هادي اول مشاركة لي في المنتدى و اتمنى انكم تستفيدو و انا جاهزة ارد على اي اسئلة او اي حاجة حابين تعرفوها بخصوص العملية..
ملاحظة: لو سمحتو لحد يعلق و يقول انو حرام و ما تجوز عشان سألت فيها كم شيخ و اقتنعت بكلامه لأنو حجم صدري لم يكن طبيعي و انا عملتها لأني كنت مضطرة و ما كان دلع..
انا عمري 20 سنة كل صحباتي كان حجم صدرهم طبيعي و انا كان صدري ممسووووووح ما في شي كنت البس مقاس 32A و كانت الستيانة فاضية كمان و ماكان عندي ثقة اني البس ملابس او فساتين ضيقة و بس كنت احشي صدري بمية شي عشان يبان حجمو طبيعي..
سمعت بإبر تكبير الصدر و اتحمست و ما كنت حاطة في بالي اني أسوي العملية أبدا المهم حجزت عند دكتور تجميل و رحت عنده و سألتو عن الإبر و شرحلي ايش الأبر و قلي ما تنفع لصدرك و انو ما عندهم هي في المستشفى و انو مفعولها مؤقت.. و بعدها بدأ يشرحلي عن العملية كلمني عن السيليكون و الموية و الملح وقارنلي بين الاثنين و ماما كانت اول وحدة معارضة عالعملية, بعد ما سمعت الدكتور اقتنعت و سارت تقنعني مع اني كنت بالمرة خايفة. المهم رحت كذا دكتور الين ما لقيت دكتور مأمون داغستاني في مستشقى الحرس و ارتحتلو جدا.. و فعلا استخرت و حددت موعد العملية و كانت العملية في مستشفى الحرس في جدة.
المهم حددلي الدكتور موعد و رحت وقبل العملية سألني الدكتور كم المقاس اللي تبغي و قلي ايش الحجم المناسب لجسمي و طبعا قبل العملية كنت مييييييييتة من الخوف و ما يزيد الطين بلة اني اتفرجت على عملية في قناة إي و الرعب كان شدييد و حتى جلست أبكي قبل العملية و بالمناسة هادي اول عملية اسويها في حياتي الحمد لله و خصوصا انو كان التخدير كامل..
المهم دخلت غرفة العمليات و قابلت دكتور التخدير و خدرني وكان رااااااائع والأن التخدير كان أجمل شي في العملية لأني أحس اني في عالم ثاني زي الأحلام و صحيت من العملية الحمد لله اللي استمرت ساعة و نصف..
و بعد ما صحيت من البنج النتييجة:
كانت تبكي أول مررة في حياتي كنت اشوف فيها انو عندي صدر و حتى نسيت كل الألم و كل ما احس نفسي اتألم اطالع في صدري و أرتاح و سار مقاسي 34 سي .
و الحمد لله كانت تجربة رهييييييييييييييييييييبة جدا و أبدا مو الشي اللي اتوقعته حتى الألم بسيط جدا و يختفي مع الأدوية المسكنة و كان المفروض اني اطلع في نفس يوم العملية و لكني من النوع القلوق و ما احب الاستعجال قررت اني انام يوم مع اني كنت اقدر اطلع في نفس اليوم.. الصراحة التجربة كانت سهلة جدا الحمدلله و بالنسبة لي ألم الدورة الشهرية أسوأ بمليووووون مررة .
و العملية كانت تقريبا من أسبوعين و اليوم انا الحمد لله ثقتي بنفسي زادت ألبس اللي يعجبني و سرت أنثى هههههههههههه . و رجعت لحياتي الطبيعية بعد العملية بأربعة ايام و رجعت الجامعة و كلو كان طبيعي الحمدلله و سافرت و رجعت بدون أي مشاكل وطبعا بعد العملية ما ينفع تلبسي سنتيانة على طول في ستيانة مخصصة تلبسيها بس قيل كم يوم احمست اشوف شكل صدري بسنتيانة و لبستها و اتجننت على نفسي و كنت حأبكي من الفرررررررحة و الحمد لله انا سعيدة جدا بعد العملية و ما اتندمت ابدا.
و لو في أي أسئلة انا تحت أمركم لأني حابة افيد الناس اللي متعقدين من حجم الصدر عندهم.. و لو سمحتو بس ابي كل أحد يدخل يدعيلي انو ربنا يهديني للحجاب و يحببني في و يحققلي كل اللي في بالي..
شكرا
منقول